Raportohet rasti i parë i virusit të ri vdekjeprurës jashtë Kinës

01:13 | 15 Janar 2020
Trina Galanxhi

Një turiste në Tajlandë është bërë personi i parë jashtë Kinës, që është diagnostikuar me një virusin e ri, i ngjashëm me pneumoninë, që tashmë ka infektuar dhjetëra njerëz.

Autoritetet thanë se gruaja është izoluar pasi ka arritur në aeroportin e Bankokut nga Vuhani, qytet në lindje të Kinës, ku shpërthimi i virusit ka nisur në dhjetor.

Deri më tani janë regjistruar 41 raste me këtë virus, ndërsa një person ka humbur jetën.

Ai është identifikuar si një koronavirus, i cili mund të shkaktojë sëmundje nga ftohja e zakonshme deri te Sars-i.

Sars – sindromë e rëndë akute e frymëmarrjes – ka shkaktuar vdekjen e mbi 700 njerëzve në botë gjatë shpërthimit të tij më 2002-3. Ai e ka pasur origjinën në Kinë.

Në total ka infektuar mbi 8,000 njerëz në 26 vende të botës.

Kina është shpallur e pastër nga Sars-i në maj të vitit 2004.